Matthes vertällt Digitaler Kontakt in Krisenzeiten Ömmer wier jet Nöies

„Die Pappköpp häbben se net all“, seit Korekamps Konn für sin Frau. „Wieso, wat is denn mit denen?“, wollde Adeljunde wieete. „Ja, die verkloppe nou die Entrettskarte en et Internet. Möt dä nöimodische Krooem well ech nix tu duon häbbe.

Matthes vertällt Digitaler Kontakt in Krisenzeiten: Ömmer wier jet Nöies
Foto: Krieewelsche Pappköpp, Krefeld

Dat wooer doch ömmer prima, wenn m‘r sech dooe op de Peter-Lauten-Strooet et morjes früch an et Theater aanjestellt hät. M‘r trooef dooe ömmer ennen Huop alde Krieewelsche, on et jooev och ömmer jet tu vertälle. Internet, pö! … Die meene, die müeße och jeden Driet mötmaake. Ömmer wier jet Nöies. Woröm können die dat net suo looete, wie dat ömmer wooer? Ech kenn mech möt dä Internetskroeem net uut. Also jövvt et des Kiehr all wier kinne Besöck be de Pappköpp. Vürrisch Jooehr wooer et dat driet Corona en Schold, on des Jooehr es et dat Internet. Et es für tu Jriene.“

„Warte mal“, seit Adeljunde, „ich mein, ich hätte da dieser Tage wat in de WZ jelesen, von wejen Kartenverkauf auch in et Pappköpp-Theater. Ich ruf mal eben die Lisbeth an, die kennt die Bertha Angermanns persönlich, weiße die Schwester von dä Schäng Angermanns, dä Freund von dä Matthes Körschkes. Die muss et ja schließlich wissen.“ „Dooe bön ech äwer ens jepannt“, seit dä Korekamp. „Ech wieet bluoß jet van die Saak möt et Internet.“

Adeljunde trock dän Dyk av on jing en de Küek möt Fröndin Lisbeth telefoniere. Angerthalv Stond laater kooem se turöck en de jooe Stuov. „Wuo blivvs do dann suo lang? Do wolldes doch bluoß eäwes möt die Lisbeth telefoniere.“ „Wir mussten ja schließlich wenigstens et Nötichste besprechen.“ „On wat es nou möt die Pappköpp-Karte?“ Adeljunde wuoß nou Beschieed: „Ich hab et doch jewusst, Karten jibt et nich nur in et Internet, sondern auch in et Pappköpp-Theater – so wie immer. Die Lisbeth hat selbst letzten Samstag da welche jekauft. Kommenden Samstag, am 6. November, is die Theaterkass noch emal von 9 bis 14 Uhr offen.“ „Joot, dann bön ech dooe on hooel os Karte“, seit Konn. „Dooe bön ech doch fruoh satt, dat die Pappköpp doch noch vernönftich jeworde send.“ „Ja, un man kann da diesmal nich nur mit Jeld sondern auch mit de EC-Karte bezahlen“, wuoß Adeljunde.

„Och dat noch“, säggen de Lüh, wenn se wat jewahr werde, wuo se net möt jereäkend haade. On suo hit och dat nöie Projramm van de Krieewelsche Pappköpp. Be die Stöckskes, die sech die Krieewelsch-Platt-Experten uutjedeit häbbe on nou op de Bühn brenge, jövvt et sieeker dat een off angere Mäuzke, wuo et Publikum net möt jereäkend hät. Ech hüer se all sägge: „Och dat noch, die Pappköpp brengen doch ömmer wier jet Nöies.“

En bödche düerder send die Kaarte wahl jeworde. Äwer weäjes Corona dörven nou jooe och wennijer Lüh en et Theater eren jelooete werde. Dat es äwer och jar net suo schleit, denn jederieene hät nou och en bödche miehr Platz öm sech eröm. Et tällt die 2G-Rejelung. Also, wer jetz noch kin Karte für de Pappköpp hät, dä soll sech draan halde on am Samsdaag Morje nooe et Theater kuome. On wer sech die Karte lieewer üewer et Internet besorje well, dä soll et nou flott duon, bevüer dat et tu laat es. Ech neähm doch wahl aan, dat Ihr allemooele endlich ens wieer örndlich lache wollt. Wir sehnd os, ech freu mech op Öch.

Meistgelesen
Neueste Artikel
Zum Thema
Aus dem Ressort